Toshkent davlat tibbiyot universiteti Chirchiq filiali “Gigiyena, mikrobiologiya va epidemiologiya” kafedrasi hamda Toshkent davlat tibbiyot universitetining “Atrof muhit gigiyenasi”, “Bolalar, o‘smirlar va ovqatlanish gigiyenasi”, “Mikrobiologiya, virusologiya va immunologiya” kafedralari o‘rtasida ilmiy salohiyatli kadrlarni yetishtirish bo‘yicha hamkorlik masalalari muhokama qilindi.

🔷 Hamkorlikdan asosiy maqsad – kafedralar o‘rtasida ilmiy-tadqiqot faoliyatini rivojlantirish, o‘quv jarayonini takomillashtirish hamda malakali mutaxassislarni tayyorlashda o‘zaro tajriba almashish va yordam ko‘rsatishdan iborat.

🤝 Hamkorlik yo‘nalishlari quyidagilardan iborat:

Ilmiy-tadqiqot loyihalarini birgalikda amalga oshirish;

Talabalarga dars berish jarayonida telemeditsina imkoniyatlaridan foydalanish;

Professor-o‘qituvchilar va talabalar uchun almashinuv dasturlarini tashkil etish;

Konferensiyalar, seminar-treninglar va mahorat darslarini o‘tkazish;

O‘quv materiallari va metodik qo‘llanmalarni o‘zaro almashish;

Qo‘shma ilmiy maqolalar va nashrlar tayyorlash.

Mazkur hamkorlik kelgusida yuqori salohiyatli, zamonaviy bilim va ko‘nikmalarga ega tibbiyot kadrlarini tayyorlashga xizmat qiladi.

📍 Uchrashuv yakunida tomonlar o‘zaro manfaatli va barqaror hamkorlikni davom ettirishga kelishib oldilar.